hlidaskoli

Hlíðaskóli er þátttakandi í Comeniusar-verkefni en þar vinna skólar ýmissa Evrópulanda saman að ákveðnum verkefnum og eru í samskiptum sín á milli. Löndin sem nú taka þátt eru Frakkland, Ítalía, Pólland, Slóvakía, Spánn og Tékkland.

Í desember síðastliðnum söfnuðust nemendur okkar í 3. bekk saman fyrir framan vefmyndavél á Skype og sungu á íslensku og táknmáli fyrir nemendur hinna landanna. Þau fengu einnig að sjá atriði frá hinum löndunum.

Þetta heppnaðist mjög vel og vakti mikla lukku hjá nemendum og starfsfólki.

Gjaldskrá mötuneyta grunnskólanna mun hækka þannig að verð pr. máltíð fer úr 275 kr. í 310 kr. eða úr 5.500 kr. 
á mánuði í 6.200 kr.

Gjaldsskrá skólahljómsveita breytist á þann hátt að gjald fyrir grunnnám hækkar úr 22.500 
kr. í 25.500 kr. og gjald fyrir miðnám hækkar úr 37.500 kr. í 42.500 kr.

Barnakór Hlíðaskóla hefur víða farið nú á aðventunni, en kórinn var fenginn til að syngja á tveimur mannfögnuðum úti í bæ og fór einnig til að syngja á aðventustund í félagsstarfi aldraðra í Hvassaleiti. Kórinn fékk til liðs við sig fjórar stúlkur úr unglingadeildinni sem hafa verið í kórnum undanfarin ár, en þær komu með kórnum á þessa viðburði, bæði til að syngja með og einnig til að leika á hljóðfæri í nokkrum lögum.

Nemendur og starfsfólk Hlíðaskóla fær síðan að njóta góðs af söngnum á jólaskemmtunum skólans, en kórinn mun taka lagið á fyrstu tveimur skemmtununum. Þar verða einnig mörg önnur flott og skemmtileg atriði, enda fjölmargir hæfileikaríkir nemendur sem stunda nám við skólann.

Myndir frá flakki kórsins má finna í myndasafninu. Þar eru einnig myndir frá jólaskemmtunum skólans.